DOBRODOŠLI

Medžuslovjanski je jezyk, kotory Slovjany iz raznyh narodov koristajut aby komunikovati s soboju. To je možlivo, ibo slovjanski jezyki sut odnositelno svezana grupa jezykov: znanje jednogo jezyka obyčno je dostatočno, žeby imeti surovu ideju, o čem je tekst na kakom-buď drugom slovjanskom jezyku. Črez veki, Slovjany naučili se dogovařati se s svojimi susedami posredstvom prostyh, improvizovanyh narečej. Jednočasno, podobnosť slovjanskih jezykov nadyhala jezykovedov i inyh do tvořenja universalnogo slovjanskogo jezyka, razumlivogo dľa vseh Slovjanov. Sred nih nahodijut se slavny crkovnoslovjanski jezyk iz 9. stoletja, kak i mnogi ini projekty od 16. stoletja do dnes, publikovani pod nazvami kak «vseslovjanski», «medžuslovjanski», «novoslovjanski», «občeslovjanski» ili prosto «slovjanski», vse osnovjeni na tyh samyh predpoloženjah i črez to bliz identični.

ДОБРОДОШЛИ

Меджусловјански је језык, которы Словјаны из разных народов користајут абы комуниковати с собоју. То је можливо, ибо словјански језыки сут односително свезана група језыков: знанје једного језыка обычно је достаточно, жебы имети сурову идеју, о чем је текст на каком-будь другом словјанском језыку. Чрез веки, Словјаны научили се договарьати се с својими суседами посредством простых, импровизованых наречеј. Једночасно, подобность словјанских језыков надыхала језыковедов и иных до творьенја универсалного словјанского језыка, разумливого дльа всех Словјанов. Сред них находијут се славны црковнословјански језык из 9. столетја, как и многи ини пројекты од 16. столетја до днес, публиковани под назвами как «всесловјански», «меджусловјански», «новословјански», «обчесловјански» или просто «словјански», все основјени на тых самых предположенјах и чрез то близ идентични.

WELCOME

Interslavic is a language used by Slavs of different nations for communication among themselves. This is made possible by the fact that the Slavic languages are a relatively coherent family: knowing one of them is usually sufficient to get a rough idea of what a text in any other Slavic language is about. Throughout the centuries, Slavs have learned to talk to their neighbours by means of simple, improvised language forms. Simultaneously, the similarity of the Slavic languages has inspired linguists and others to create a universal Slavic language that would be understandable for all Slavs alike. This includes the famous Church Slavonic language from the 9th century, as well as many other projects from the 16th century onwards, published under names like „Pan-Slavic”, „Interslavic”, „New Slavic”, „Common Slavic” or simply „Slavic”, all based on the same assumptions and therefore nearly identical.